رُباعيات . . 2
(1)
دخلت بيتى مره لقيتنى ضيف
سألت ليه هاملين البيت و مزوقين الرصيف؟
شاورلى واحد ع الجدار لقيت صليب
بصيت له بالمقلوب شُفت سيبف
وعجبى
________________
2
طايره م الفرح بجمالها و بالهدوم
قُلت حب الحياه شىء بديع ع العموم
و اللى يحب الحياه مهما يقع راح يقوم
لكن مش كان من الذكا تدور عاللى يدوم
و عجبى
___________________
3
قالوا ع الحب تملك و سموه ساعات جبروت
على شهده و مراراه ياما كتبوا من الشعر بيوت
قالوا كلام كتيــر و كان احسن لهم السكوت
الحب ببساطه هو الحياه و قبل منها هو الموت
و عجبى
______________________
4
حلمت و احلامى انا مجانين
جالى فى المنام بلياتشو و احلف يمين
جه مستربع ع الهرم و كنت انا بارقص له
بس ما كنتش لوحدى كان معايا من البشر ملايين
و عجبى
______________________________________
gamed ya mooooooooooooooooooon:)
Comment by marihan — December 25, 2007 @ 1:03 pm
جــامده القافيات دى
قشطة عليكـ يا كينج
Comment by MoOzz8 — June 16, 2009 @ 7:06 am